Қазіргі заманғы кәсіптік бағдар – бұл бір жағынан адамның жеке ерекшеліктері мен оның қажеттіліктерін, екінші жағынан еңбек нарығын ескере отырып, жастарды мамандықтарды дұрыс және еркін таңдауға дайындау жүйесі. Бұл – әрбір адамның кейінгі өмірін анықтайтын ең маңызды шешімдердің бірі болып табылады. Оған деген көзқарас өте маңызды болуы керек. Тиісті мамандықты таңдамас бұрын, сіз өзіңізді тыңдап, оның ең маңызды критерийлерін атап өтуіңіз керек. Осы мақсатта әл-Фараби атындағы Қазақ ұлттық университеті химия және химиялық технология факультеті физикалық химия, катализ және мұнай химиясы кафедрасының оқытушылары ХИ-211 (қазақ бөлімі) және ХИ-203 (орыс бөлімі) топтарының студенттерімен бірлесіп, кәсіптік бағдар беру бойынша онлайн-конференция өткізді. Іс-шараның мақсаты университет факультеттері, мамандықтар, ғылыми бағыттар, жеңілдіктер, гранттар және т.б. туралы ақпаратпен таныстыру, сондай-ақ студенттердің өз мектептерінің қазіргі оқушылары алдында өз жетістіктерін көрсету. Конференцияға Алматы, Қызылорда, Шымкент, Кентау, Алматы, Жамбыл, Шығыс Қазақстан облыстарының жалпы білім беру мекемелерінің өкілдері қатысты. Осылайша еліміздің түкпір-түкпіріндегі мектеп ұжымы әл-Фараби атындағы Қазақ ұлттық университетінде оқитын өз түлектерінің жетістіктерімен танысты. Студенттер дайындалған презентациялар мен бейнематериалдарды көрсетіп, қызықты өмірлері туралы айтып, түрлі ойындар, байқаулар ұйымдастырылды. Осының арқасында университет студенттері де, мектеп өкілдері де жалпы білім беретін мекемелер мен жоғары оқу орындары арасындағы байланыс берік болуы тиіс екендігін тағы да расталды. Бұл – бір жағынан мектептерге өз түлектерінің кейінгі өміріне қатысуға, екінші жағынан студенттерге білім алушылар алдында ҚазҰУ-да оқу кезеңінде алған білім, білік және дағды деңгейін көрсетуге мүмкіндік береді. Ал осының бәрінің негізі мектеп қабырғасында қаланады. Онлайн конференцияны дайындау мен өткізуде екінші курс студенттері: Жүсіпова Інжумаржан, Бегалиева Алина, Әбдікәрім Бинур, Дарежат Жаннұр, Серғазы Мерей, Шегір Абылайхан, Музарапша Назерке, Нұрла Гүлраушан, Ульфанова Ясмина, Жанатқызы Жұлдыз, Жұманов Нұрбол, Литвиненко Кирилл Мамедова Нилуфар, Хакимжанова Зарина, Якулжанов Азиз белсенділік көрсетті.  

Р.ИСКАКОВА,

С.НАРЕНОВА,

Е.УСИПБЕКОВА,

әл-Фараби атындағы ҚазҰУ химия және химиялық технология факультеті физикалық химия, катализ және мұнайхимия

кафедрасының оқытушылары.