Өңірде аса ірі мөлшерде «героин» есірткі затын саудалаумен айналысатын ұлтаралық қылмыстық топ құрықталды. Оларға қарсы ауқымды шараны облыстық прокуратура мен полиция департаменті бірлесе жүргізген. Арнайы операция барысында ұсталғандардан 1 келі 280 грамм «героин» есірткісі, сондай-ақ «гашиш» есірткі заты, «кептірілген марихуана» мен синтетикалық есірткі тәркіленген. Бүгінгі таңда бұл дерек бойынша Қылмыстық Кодекстің 297-бабы 3-бөлігімен сотқа дейінгі тергеу амалдары басталды. Күдіктілер уақытша ұстау изоляторына қамауға алынған. Атап өтерлігі, қазіргі уақытта есірткі заттарының облыс аумағындағы өзге де түсу арналарын анықтау бойынша іс-шаралар жүргізілуде.