Қоғамды дамытпайтын кеселдің бірі – жемқорлық. Әсіресе, бұл дерттің құқық қорғау органдарында тамыр жаймауы аса маңызды. Өйткені, қарапайым халық сенім артып, үміт ететін құзырлы органдардың заң талаптарын орындауда өз кедергісін жасайтыны анық. Осы ретте, құқық қорғау органдарында сыбайлас жемқорлықтың алдын алу бағытында жүйелі шаралар қолға алынған. Өңірлік Қылмыстық-атқару жүйесі департаментіне бағынысты №26 түзеу мекемесінің басшы құрамы жемқорлықты жоюды күнтәртібінен түсірген емес. Бұл бағытта ант қабылдаған офицерлерден ел мүддесі жолында әрі халық сенімінен шығу қатаң талап етіледі. Мекеменің жедел бөлімінің бастығы, әділет майоры Уалихан Сатенов арнайы жиын барысында әріптестеріне аталған дертке қарсы тұрып, бірлесе жұмыс жасау қажеттігіне тоқталды. Сондай-ақ ол өз сөзінде мекемедегі сотталғандар арасында да қылмыстың алдын алу мәселелерін назарда ұстау қажеттігін атап өтті.