![10 айда 1 200 жол-көлік оқиғасы тіркелген](https://aqjolgazet.kz/uploads/resized-images/2022/11/zholko.jpg)
10 айда 1 200 жол-көлік оқиғасы тіркелген
Бүгінде жол-көлік оқиғалары салдарынан адамдардың мерт болу факторлары автокөліктер санының өсуімен бірге көбейіп бара жатқандығы жасырын емес. Өкініштісі, қаза тапқандардың басым бөлігі еңбекке қабілетті жандар. Облыстық полиция департаментінің мәліметіне сүйенсек, ағымдағы жылдың 10 айында 1200 жол-көлік оқиғасы тіркелген. Соның салдарынан 201 адам қаза тауып, 1 900 жан әртүрлі деңгейдегі дене жарақаттарын алған. Мамандардың пікірінше, мұндай қайғылы жағдайдың жиі орын алуына темір тұлпарды тізгіндегендердің жол ережелерін сақтамауы себеп болып отыр екен.
Мәселен, жыл басынан бері жол қозғалысы ережелеріне қатысты 291 мыңнан астам бұзушылық анықталса, бұл көрсеткіш өткен жылдың есепті кезеңімен салыстырғанда 58 пайызға артқан. Ал жол бойындағы құқықбұзушылықтардың басым бөлігі – тұрғындардың автокөлікті мас күйінде жүргізуіне байланысты орын алған. Бүгінгі күнге дейін масаң күйде көлікті басқарғандардың кінәсінен облыстық маңызы бар жолдарда 48 жол-көлік оқиғасы тіркеліп, салдарынан 3 адам қаза тапса, 70-тен астам адам түрлі жарақат алған.
Айта кетейік, жүргізушілер осы сипаттағы құқықбұзушылық жасағаны үшін әкімшілік және қылмыстық жауапкершілікке тартылады. Мас күйінде темір тұлпар тізгіндегендер 7 жыл мерзімге көлік құралын басқару құқығынан айыруды көздейтін әкімшілік жауапкершілікті арқалайды. Сондай-ақ ҚР Әкімшілік құқықбұзушылық туралы кодексінің 608-бабының 1-бөлігімен 15 тәулік мерзімге әкімшілік қамауға алынады.
Ал бұрын көлік құралын мас күйінде басқарғаны үшін әкімшілік жазаға тартылған жүргізушілер ҚР Қылмыстық Кодексі 346-бабының 1-бөлігі бойынша қылмыстық жауапкершілікке тартылады.
Есен ӨТЕУЛІ.
Ұқсас жаңалықтар
АЭС: қоғам пікірі ескеріледі
- 5 қыркүйек, 2024
Буллер болу өзгеден бұрын өзімізге зиян
- 3 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді