Жамбыл облысы бойынша ҚАЖ департаментіне қарасты №26 мекемесіндегі жазасын өтеуші сотталған азаматша Skype бейнебайланыс жүйесі арқылы анасымен тілдесті. Онлайн байланыс аясында ол анасының амандығын сұрап, хал-жағдайын білді. Сондай-ақ бейнебайланыс барысында сот үкімімен кінәлі деп танылған азаматшаның анасы ҚАЖ қызметкерлерінің қоғамға бейімдеу жолындағы қажырлы еңбегін бағалап, ризашылығын жеткізді. Айта кетейік, бұл азаматша заң бойынша рұқсат етілген қысқамерзімді кездесуін анасымен бейнебайланыс арқылы тілдесу мүмкіндігіне алмастырды.