Кез келген ересек адамды тәрбиелеу – күрделі жұмыс. Ал жаза басып, сот үкімімен темір торға тоғытылған жандарды түзеу жолына түсіру одан да қиын. Десе де, антына адал ҚАЖ қызметкерлері сотталғандарды тәрбиелеуде жан-жақты, әртүрлі бағытта жұмыс жасауда. Соның бірі – жазасын өтеушілерді көркем шығармалар арқылы тәрбиелеу қолға алынған. №26 түзеу мекемесіндегі кітапханада 2045 кітап қоры бар. Кітапхана қызметкері Ермек Джумагуловтың сөзінше, көркем шығарма – сотталғандарды тәрбиелейтін теңдессіз құрал. Себебі, кітап оқу – сотты болғандардың санасында ұнамды мінез–құлық қалыптастырып, ізгілік бесігіне бөлейді. Сондай–ақ ұлтжандылық сезімдерін оятып, патриоттық тәрбие беретіні белгілі. Расында, түзеу мекемесіндегі жандардың көркем әдебиеттен алары көп деп білеміз. Бұл тұста мекеме әкімшілігі тарапынан да барлық жағдайлар жасалған.