Облыстық полиция департаментіне бағынысты ұйымдасқан қылмысқа қарсы күрес басқармасы мен қалалық полиция басқармасы криминалдық полиция бөлімінің қызметкерлері жедел-іздестіру іс-шараларын жүргізу барысында қала маңынан қару-жарақ пен оқ-дәрілер салынған қапты тапты. Онда екі «Калашников» автоматы, «FBI8000» маркалы газ тапаншасы, жарық-шуылды граната, автоматтың оқжатарлары, пышақты мылтық, полиция каскасы, резеңке таяқ және әртүрлі калибрлі 200-ге жуық патрон табылып, тәркіленді. Бүгінде бұл дерекке қатысты сот-баллистикалық сараптама тағайындалып, ҚР ҚК-нің 287-бабы 3-бөлігімен сотқа дейінгі тергеу амалдары жүргізілуде.