Ауру алқымынан алып, денсаулығына дерт жабысқан әр адам дәрігерден үміт етеді. Тырп етпестен төсек тартып жатқан жандардың жебеушісі де осы ақ халаттылар. Расында, жанды шүберекке түйіп, жүрек соғысы баяулап, тыныс тарылғанда аурудан айықсаң бақыт деген сол емес пе? Ал сол бақытқа біз дәрігерлер арқылы қол жеткіземіз. Жуырда өңірлік ҚАЖ департаментіне бағынысты №26 түзеу мекемесінде жазасын өтеуші азамат мекемдегі дәрігерлерге алғысын білдірді. Ол өз хатында қант диабетімен ауыратынын, мекемеде жазасын өтеген 9 айдың ішінде ақ халаттылардың жәрдеміне разы болғанын жеткізген. «Мекемедегі медициналық-сауықтыру бөлімінің майталман мамандарының ем-домының арқасында шипама дауа табылып, денсаулығым дұрысталды. Осындай жандарға алғыс айту бізге парыз», - дейді ол.