![Жамбыл жерінде – «SARMAD» этно-фольклорлық ансамблі](https://aqjolgazet.kz/uploads/resized-images/2022/07/whatsapp-image-2022-07-21-at-18.42.14.jpeg)
Жамбыл жерінде – «SARMAD» этно-фольклорлық ансамблі
Дина Нүрпейісова атындағы Академиялық қазақ халық аспаптар оркестрі жанынан 2017 жылы құрылған «SARMAD» этно-фольклорлық ансамблінің «Көшпенділер рухы» атты концерттік бағдарламасы «Баласағұн» орталық концерт залында жоғары деңгейде өтті. Жамбыл жеріне алғаш рет өнер сапарымен табан тіреген бұл ұжым әулиеаталықтарды әсем ән мен тәтті күйге бөледі. Кеш барысында ансамбль жетекшісі, «Алаш ұстазы» төсбелгісінің иегері, Президенттің Құрмет грамотасының иегері, ҚР Тұңғыш Президенті – Елбасы Қоры Сыйлығының лауреаты, мульти- инструменталист, композитор Бауыржан Ақтаевқа К.Әзірбаев атындағы облыстық филармонияның Алғыс хаты мен гүл шоқтары, естелік сыйлықтары тарту етілді. Өз кезегінде атыраулықтар концерттің өтуіне қолдау танытқан облыс әкімдігі мәдениет, архивтер және құжаттама басқармасының басшысы Ерлан Жүнісбайға алғыстарын жеткізді.
Айта кетейік, Бауыржан Ақтаев негізін қалаған ансамбль мүшелері қазақтың рухты ән-күйлерін және әуендерін заманауи, этно-джаз стилінде ғажайып орындайды. Ансамбль құрамында жетіген, адырна, шаңқобыз, сыбызғы, саз-сырнай секілді қазақтың байырғы, қолданылмай кеткен, ұмытылып қалған аспаптары бар. Бүгінде бұл музыкалық ұжымның өзіндік стилі, сипаты, үні қалыптасып үлгерген. Ансамбльдің құрамында 14 адам өнер көрсетеді.
«Aq jol»-Aqparat»
Ұқсас жаңалықтар
Облыс онкологтары ауыр дертті жеңді
- 5 тамыз, 2024
Мүгедектіктің алдын алуға мүмкіндігі мол орталық
- 5 тамыз, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді