Футболдан биылғы ҚР кубогы ерекше болып тұр. Әуелі командалар топтық кезеңде өнер көрсетуде. Ал жерлесіміз «Тараз» өз тобында «Тобыл», «Мақтарал», «Ақтөбе» командаларымен қатар жеңіс жолына таласып жатыр. «Тараз» алғашқы ойында «Тобылды» өз алаңында 6:1 есебімен ұтса, екінші кездесуінде Түркістан облысының «Мақтарал» командасынан 4:2 есебімен басым түсті. Осылайша, «Тараз» өз тобында айқын көш бастап тұр. Енді жерлестеріміз Ақтөбенің «Ақтөбе» командасымен шеберлік байқасады. Содан кейін аталған командалармен қарымта кездесулер өткізеді. Әрине, әзірге көш бастап тұрғанымызбен, алда маңызды төрт ойын бар. Сол ойындарды сауатты өткізсе, «Тараздың» өз тобында бірінші оры нмен плей-офф кезеңіне өтуге мүмкіндігі бар.

Есет ДОСАЛЫ