Байқадам ауылдық округінде іске асырылған «Жамбыл облысы тұрғындарының тұрмыстық табысын жақсарту» пилоттық жобасының нәтижесінде жеке кәсіпкерлер саны 27-ден 232-ге көбейіп, қосымша өзін-өзі жұмыспен қамтығандар саны артқан. Атаулы әлеуметтік көмек алушылар саны 154 отбасыдан 14 отбасыға кеміген. Ал бүгінде Жайылма ауылдық округі бойынша болашақта жүзеге асатын жоба аясында үй іргесіндегі жерді тиімді пайдалану, ауладағы мал шаруашылығын тиімді пайдалану, тұрғындардың ауыл сыртындағы жер үлесін тиімді пайдалану, кооперативті жабдықтау немесе құру, тұрғындардың өз кәсібін ашу, кеңейтуге арналған шағын жобаларды қаржыландыру бағыттары бойынша жүргізілген жұмыстар нақтылануда. Жоба аясында жаңадан 156 жеке кәсіпкер тіркеліп, 174 жаңа жұмыс орны құрылады деп күтілуде.

 Сарысу ауданы әкімдігінің баспасөз қызметі.