Гвардейск гарнизонында 15632 әскери бөлімінің құрылған күніне орай салтанатты іс-шара өтті. Салтанатты шарада әскери бөлім командирі полковник Жанат Бектұрғанов құттықтау сөздер айтып, жеке құрам мен қызметкерлерге және ардагерлерге бөлім атынан медалмен естелік буклеттер және грамоталар табыс етті. Сондай-ақ, гарнизондық офицерлер үйінде мерекелік концерт ұйымдастырылды. Мерекелік шараға әскери бөлімнің барлық жеке құрамы мен осы бөлімде қызмет еткен бұрынғы командирлер, зейнеткерлер келді. Айта кетейік 15632 әскери бөлімі 1971 жылы құрылған. Әскери бөлім құрылған сәттен бастап 12 командир қызмет атқарған. Бөлімнің бірінші командирі полковник Павел Исакович Конаев болған.

• Бүгін біздің әскери бөлімде іс-шара өтті. Салтанатты мерекеге ардагерлер мен басқа да қонақтар қатысты. Осы шараға белсене атсалысқан жеке құрамға және өнерлі жастарға алғыс айтамын, - деді әскери бөлім командирінің тәрбие және идеологиялық жұмыстары жөніндегі орынбасары подполковник Жұлдыз Сағымбаев.

  Гвардейск гарнизоны баспасөз қызметінің бастығы майор Жомарт Тажиханов