АСТАНА.  ҚазАқпарат - Бүгін Қазақстан Республикасы Парламенті Сенатының Төрағасы Қасым-Жомарт Тоқаев «Франция - Орталық Азия» достық тобының төрағасы Андре Дюлэ бастаған Франция Республикасы Сенатының делегациясын қабылдады.

Қазақстан Сенатының төрағасы Қазақстан мен Францияның түрлі салалардағы ынтымақтастығының қарқынды дамуына көңілі толатындығын білдірді. Парламентаралық байланыстарға қатысты Қ.Тоқаев екіжақты үнқатысуды кеңейту үшін екі елдің Парламенттерінде жұмыс істеп келе жатқан «Франция-Қазақстан» достық тобының әлеуетін белсенді дамыту қажет екенін атап өтті. Қ.Тоқаевтың пікірінше, Қазақстан мен Франция депутаттарының өзара іс-қимылының зор маңызы бар.

А.Дюлэ, сондай-ақ, парламенттік ынтымақтастық топтарының өзара іс-қимылының маңызды екенін атап өтіп, қазақстандық сенаторларды Францияға шақырды.

Жоғарғы Палатаның басшысы француз әріптестерін еліміздің жоғары заң шығару органының қызметі және Сенатқа сайлау науқанының барысы туралы хабардар етті.

Ақпарат көзі http://kazinform.kz/