
Облыстық статистика департаментінің мәліметтеріне қарағанда, биылғы жылдың қаңтар-наурыз айларында негізгі қорға салынған инвестициялардың көлемі бағалау есебімен 37501 миллион теңгені құраған. Бұл өткен жылдың сәйкес мерзіміндегіге қарағанда біршама көп немесе 110 пайыздық көрсеткішке қол жеткен. Өңіріміз бойынша негізгі қорға салынған инвестициялардың үлес салмағы жалпы республикалық көлемнің 1,8 пайызын құрап отыр. Инвестициялардың технологиялық құрылымын-дағы жалпы үлестік мөлшерлеме құрылыс және ғимараттардың күрделі жөндеу жұмыстарында – 60,4, машиналар, жабдықтар, құрал-саймандар сатып алуда – 30,2, басқа да күрделі жұмыстар мен шығындар бойынша 9,4 пайыз болып қалыптасқан. Негізгі қорға салынған инвестициялардың басым бөлігі 27318,9 миллион теңгесі (яғни 72,8 пайызы) шаруашылық субъектілерінің жеке қаржылары, ал 6921,4 миллион теңгесі (18,5 пайызы) бюджеттік қаражаттар болып табылады. Пайдалану бағыттары бойынша негізгі қорға салынған инвестициялардың 42,4 пайызы өнеркәсіп саласына жұмсалған. Тұрғын жай құрылысына 9368 миллион теңге көлемінде инвестиция бағытталған, өткен жылдың сәйкес мерзіміндегіге қарағанда оның көлемі 26,2 пайызға көбейгені байқалуда. Жалпы игерілген инвестициялардың 25 пайызы тұрғын жай құрылысының үлесіне тиді. Инвестиялардың игілігін ел көріп отырғандығының бір жарқын мысалы, міне, осындай.
«Aq jol-Aqparat».
Ұқсас жаңалықтар
Құрылыс кері кетсе құрыдым дей бер...
- 29 шілде, 2025
Көгадырды төрт түлікке толтырған
- 29 шілде, 2025
Ақпарат
Сотқа деген сенім – бәрінен маңызды
- 1 шілде, 2025
Жамбылда ҚАЖД қызметкерлері қан тапсырды
- 14 маусым, 2025
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді