Тараз қаласында қалалық инфрақұрылымды дамыту және тұрғындардың өмір сүру сапасын арттыру бағытында кешенді жұмыстар жүргізілуде. Қаланың әр ауданында жол желісін жақсарту, қоғамдық кеңістіктерді абаттандыру және тұрғындарға қолайлы жағдай жасауға бағытталған жобалар іске асырылуда. Бұл туралы қала әкімдігінің Баспаөз қызметі мәлімдеді.
Әулиеата ауданында 48 көшеге орташа жөндеу жүргізу жоспарланған. Сонымен қатар Бектөбе және Қызыл шарық тұрғын алқаптарында, Ұлы дала шағынауданының аулаларында және Ш. Жандарбеков көшесінде жаяу жүргіншілер жолын салу көзделген. Бұған қоса, Көшеней, Сенкібай, Сыпатай батыр, Көшеней көшесінің 6-переулогы, Сухамбаев көшесі және №23 мектеп маңында тротуарлар салу жоспарлануда. Сондай-ақ жол белгілерін орнату, автобус аялдамаларын қою және бірқатар көшелерде су құбырларын жаңарту жұмыстары қарастырылған.
Жібек жолы ауданында да бірқатар инфрақұрылымдық жобалар жүзеге асырылуда. Биыл 14 спорт алаңшасын жаңарту, жаңа автобус аялдамаларын орнату және жалпы ұзындығы шамамен 23 шақырымды құрайтын 35 көшеге жарықтандыру жүргізу жоспарланған. Жұмыстар алдымен шалғай орналасқан тұрғын алқаптарда атқарылады.
Ұқсас жаңалықтар
