Шешенстан Республикасының басшысы Рамзан Қадыровтың қазақстандық кеңесшісі Аян Жұмашев өзінің жұмысы жайлы айтып берді.

Қадыров қазақстандықты әлеуметтік желіде сөйлескеннен кейін жұмысқа шақырған. Шешенстанға келгеннен кейін Аян Жұмашев оған өз жоспарлары туралы айтып, жұмысқа қалуға ұсыныс алған. Жұмашевтің айтуынша, жер аударылған шешендерді Қазақстанның өз бауырына басқанын жақсы білетін Шешенстан халқы мұны жақсы қабылдаған. «Сол себепті мұнда қазақтарға мейірімділікпен, бауырластықпен қарайды, әр отбасының қазақтармен байланысты хикаясы бар», – дейді Аян. Аян Жұмашев Рамзан Қадыровтың талапшыл әрі еңбексүйгіш адам екенін айтты. Қазақстан азаматы республика басшысы сияқты өз қызметінде кешке дейін жұмыс істейді, оған күніне 4-5 сағат қана ұйықтауға тура келеді екен. «Үйден жырақта ол маған әке, аға сияқты, мен одан үлгі аламын», - дейді Жұмашев.