Облыстық қаржы полициясы әскери полицияның аға анықтаушысын пара алу сәтінде ұстады.

ҚР ІІМ-нің 5513 әскери бөлімінің әскери полиция бөлімшесінің аға анықтаушысы, полиция капитаны азамат Р-ның үстінен азамат С. оның ақша талап етіп отырғандығын айтып арызданған. Алдымен, қаржы полициясы оның параның бір бөлігі 20 мың теңге көлеміндегі қаражатты алу фактісін анықтады. Келесі күні полиция капитаны қалған 30 мың теңгені алу үстінде ұсталды. Қазіргі уақытта қылмыстық іс сотқа жолданды.