Аргентина үкіметі дефолтқа ұшырағанын жария етті, яғни мемлекет сыртқы қарыздарын өтеуге қауқарсыз. Бұл оңтүстікамерикалық мемлекет соңғы 13 жылда екінші рет дефолтқа ұшырағанын жария етіп отыр. Айтып өтерлігі, елдің қазіргі 1,3 млрд доллар қарызы 2001 жылы болған бірінші дефолттан кейін жинақталып қалған. Ол кезде хедж-қорлар мемлекеттік бағалы қағаздар құнын аса төмен бағаға түсіруге мәжбүр болған еді. Аргентиналық шенеуніктер соңына дейін қорлармен қарыз мерзімін сәл ұзарту жөнінде мәмілеге келуге тырысып баққанымен, өткен түні болған соңғы келіссөздер жемісін бермеді.