2017 жылға қарай Ақмола облысында орналасқан Ақкөл курорты қала мәртебесіне ие болады.

Қонақтар мен туристер үшін мұнда ағылшындық және германиялық сәулетшілер жобалаған жаңартылған инфрақұрылымдар, желекжолдар мен жағалаулар салынады. Қазіргі таңда Ақкөлде стадионды, спорттық алаңдар мен өзге де демалыс нысандарын күрделі жөндеу жұмыстары аяқталды. Сондай-ақ, екі қонақ үй мен басқа да әлеуметтік нысандардың құрылысы жүріп жатыр. 2015 жылы қаладағы 8 этномәдени бірлестікке арнап Достық үйін салу және заманауи амфитеатрдың құрылысын бастау жоспарланған.