Сала мамандарының айтуынша, осының салдарынан жеке шаруашылық өндіретін сүттің 90-қа жуық проценті нарықтан шығарылуы мүмкін. Сондықтан жергілікті шаруа қожалықтары өздері ұсынатын шикізат өнімдерінің қауіпсіздігін Еуразиялық экономикалық одақ талаптарына сәйкестендіріп үлгеруі керек. Кері жағдайда шетелдік компаниялармен бәсекелесу қиынға соқпақ. Айта кетейік, Қазақстанда жылына 5 млн тонна сүт пен сүт өнімдері өндіріледі. Оның 4 млн тоннасы жеке қосалқы шаруашылықтарында. Қалған 1 млн тоннасы біріккен шаруа қожалықтарының үлесінде. Жалпылай алғанда, 2013-2017 жылдар аралығында сүт өндіру көлемі 50 процентке өскен.