Бүгін ҚР Тұңғыш Президент күніне орай Байзақ ауданында 8 нысан пайдалануға берілді. Оның 7-еуі денсаулық сақтау мекемесі болса, біреуі ауыз су мәселесіне қатысты. Атап айтқанда, Байзақ аудандық орталық ауруханасы Шахан және Аймантөбе фельдшерлік-акушерлік тіректері,  Сарыбарақ, Жаңатұрыс, Жібек жолы және Тегістік медициналық тіректері және  Ынтымақ ауылында 15 келушіге арналған дәрігерлік амбулаториясы. Сонымен қатар су құбыры желісі тартылған Кеңес  ауылынан су қабылдау имараты есігін айқара ашты. Айта кететін тағы бір маңызды мәселе – Ынтымақ ауылдық цифрландырылған ақпараттық орталығы да бүгін пайдалануға берілді. Оның ерекшелігі сол – енді жергілікті тұрғындар 1 анықтаманы алу үшін сонау Сарыкемерге сабылмай, кітапхана ішінен ашылған  орталықтан-ақ және 1 емес, 18 түрлі анықтама ала алатын болды.

aqjol aqparat