Жамбыл облысында елді газбен қамтамасыз ету бойынша белсенді жұмыс жүргізілуде. Жамбыл облысы әкімінің баспасөз қызметінен хабарлағандай, 2014 жылы облыстың 17 елді мекенін газдандыру жоспарлануда. 2013-2014 жылдары облыстың төрт ауданын газдандыру бойынша жобалау-сметалық құжаттаманы әзірлеу үшін республикалық бюджеттен 453 млн. теңге алуға өтінім берілді. 4 ауданға орташа қысымды газ құбырын салу жобасының жалпы құны шамамен 9 млрд. теңгені құрайды. Жобаны іске асыру нәтижесінде табиғи газбен Қордай, Шу, Сарысу, Мерке аудандарының 36 елді мекенінің тұрғындары қамтамасыз етіледі. 2013 жылы 49 млн. теңгеге Қаратау қаласынан Жантас қаласына дейін, одан әрі Саудакент кентіне дейін Сарысу ауданын газдандыру бойынша ТЭН әзірленді. Бұдан басқа, құны 16 млн. теңгеге Шу ауданының 22 елді мекенін газдандыру үшін ТЭН әзірленді. Мерке ауданының 10 елді мекенін газдандыруға 500 млн. теңге бөлінді. Қазіргі сәтте, облыста 373 елді мекеннің 122-сі газдандырылғанын нақтылады, бұл халықтың 34,5 пайызы немесе 600 мыңнан астам адам. 2014 жылдың соңына дейін көгілдір отынмен 139 елді мекен немесе 37,5 пайыз өңір халқы газдандырылады. Облстаттың деректеріне сүйенсек, Жамбыл облысының халқы 1, 07 млн. астам адамды құрайды.

Ақпарат көзі: www.kazinform.kz