Массачусетс технологиялық университетінің (MIT) нейро және когнитивтік ғылымдар орталығының мамандары шет тілдерін үйренуге ең қолайлы жасты атады. Зерттеу Cognition журналында жарияланды, - деп хабарлайды Tengrinews.kz тілшісі РИА Новости агенттігіне сілтеме жасап. Ғалымдар түрлі ұлт пен жастағы 670 мың адамнан жинаған ақпаратты саралау үшін арнайы компьютерлік модель дайындаған. Сауалнамаға қатысқан респонденттер жасын, ағылшын тілін қанша уақыт бойы оқығанын жазып, грамматикалық ережелер бойынша білімін тексеретін тест орындады. Зерттеу нәтижесі бойынша, он жасқа дейін тілді оқып бастағандар оны ана тілінің деңгейінде меңгеруге мүмкіндігі жоғары. Ал 18 жастан кейін адам бойында тез үйрену қабілеті сақталса да, мұндай деңгейге жету әлдеқайда қиын болады. Сондай-ақ зерттеушілер тіл үйренуге адамның дамуына әсер ететін биологиялық және әлеуметтік-мәдени факторлар да ықпал ететінін атап өтті.

tengrinews.kz