14 жастағы Семей қаласының тұрғыны Ванесса Безродная «World championship of performing arts» халықаралық өнер чемпионатының поп және рок-вокал аталымында вокал өнері санаты бойынша абсолютті әлем чемпионы атанды. Байқау 11-19 шілде күндері Лос-Анджелес қаласында өтті. Оған 7 мен 45 жас аралығындағы әртістер қатысты. Ванесса әлемнің 42 елінің өкілі жарыс жолына түскен 16 жасқа дейінгі жас санатында өнер көрсетті. Өнерімен талайды тәнтті өткен Ванесса елімізге 4 алтын, күміс және қола медальмен оралды. «Біз үшін чемпионат өте сәтті өтті. 18 жылдың ішінде алғаш рет Қазақстан өкілі чемпионаттың вокал станаты бойынша финалға шығып,  поп және рок-вокал аталымында абсолютті чемпион атанды», - деді Ванессаның анасы Ирина Безродная. Айта кетерлігі, Ванесса бұған дейін «Жаңа толқын» байқауының ақтық мәресіне дейін жетіп, «Еуровидение  музыкалық академиясы» жобасына қатысқан еді.

Ақпарат көзі: www.kazinform.kz