Бішкектегі Үкімет үйінің алдында 2010 жылы 7 сәуірде болған оқиғаға қатысты сот үкімі шығарылды.

Сонымен, сот Қырғызстанның экс-президенті Құрманбек Бәкиевті өмір бойына бас бостандығынан айырып, күшейтілген режимдегі колонияда жазасын өтеу туралы шешім шығарды. Сонымен қатар, Бәкиев 3 жылға дейін мемлекеттік қызметте жұмысқа қабылдана алмайды. Оның Жалал-Абад облысы Созақ ауданы Тейіт ауылындағы үйі тәркіленді. Экс-президенттің бауыры Жаныш Бәкиев те өмір бойына бас бостандығынан айырылды. Оның мүлкі тәркіленіп, әскери атағы тартып алынды. Ол да жазасын күшейтілген режимдегі колонияда өтейтін болды. Құрманбек Бәкиевтің баласы Марат 10 жылға сотталып, жазасын күшейтілген режимдегі колонияда өтейді. BMW маркалы автокөлігі мен банктегі шотында сақталған 1,9 млн. доллар ақшасы мемлекетке қайтарылды.