Бұл күндері Юрмалада «Жаңа толқын - 2014» байқауына қатысып жатқан қазақстандық әнші Әлішер Кәрімов твиттерде смс-дауыс беруді өтініп, жанкүйерлеріне  хабарлама жазды. «Достар! Қолдау білдіргендеріңе рахмет! Мен Отанымнан алыста болсам да, мұны қатты сезіндім. Мына фотода смс-дауыс беру үшін мәтін мен нөмір бар. Әділқазылар мүшелерінің бағалауынан тыс көрермендердің дауысы да аса маңызды. Иншаллах! Жеңісті күндерде жолығайық! Көп рахмет». Әнші әлеуметтік желілерді пайдаланушыларға  осындай өтінішін білдірді. Жауап ретінде Ә. Кәрімовтің жанкүйерлері оған белсенді дауыс беретіндерін айтты. Бұдан бұрын хабарланғандай, байқау шеңберінде көрермен көзайымы жүлдесіне дауыс беру басталды. Ол 23-27 шілде аралығында өтеді.

Ақпарат көзі: www.kazinform.kz