АСТАНА. ҚазАқпарат - Үндістанда көне түркі тайпаларының қару-жарағы сақталған, деп жазады Хабар 24. Үндістанның Коимбатур қаласының тұрғыны ежелгі қару-жарақ пен тиындарды жинаумен айналысады. Джаиш Кумар Пандьянның коллекциясында 2 мыңнан астам көне жәдігер бар.

Оның айтуынша, темір мен тастан жасалған қарулар 500 жыл бұрын қолданылған екен. Пандьянның қызығушылығы мектеп кезінде, тарих сабағында оянған. Содан бері ол ежелгі жауынгерлердің қару-жарақтары мен құрал-саймандарын жинаумен айналысып келеді. Оның ендігі арманы музей ашып, жәдігерлерді көпшілктің назарына ұсыну.

«Бұлардың барлығын 12 жыл бойы жинадым. Коллекциямда 50-ге жуық қару түрі бар. Басым бөлігі Сангам кезеңі, Виджаянагар империясы мен Ұлы Моғолдар кезеңдеріне тиесілі», - дейді коллекционер Джаиш Кумар Пандьян.

kazinform.kz