АСТАНА. ҚазАқпарат - 5 қыркүйек күні Сочиде есімі әлемге танымал қазақстандық әнші Димаш Құдайберген өнер көрсетеді. Бұл жайында хабарландыру әншінің Инстаграмдағы парақшасында жария етілді, деп хабарлайды ҚазАқпарат тілшісі. «Димаш Құдайберген 5 қыркүйек күні A'Studio тобының шығармашылық кешінде өнер көрсетеді. Сонымен қатар ол 9 қыркүйек күні «Жаңа толқын» байқауының жабылу рәсіміне арналған көнцертте ән шырқап, жанкүйлерлерін тағы да қуантады. Жіберіп алмаңыздар», - делінген әншінің парақшасындағы хабарламада. Айта кетерлігі, әншінің Сочиде өнер көрсету құрметіне орай әр елден жиналған жанкүйерлері қала көшелеріне оның үлкен суреттерін іліп қойған. Бұл жаңалықты Фейсбуктегі Димаштың еуразиялық фан-клубы тобында желі қолданушы және Димаштың фанаттарының бірі Ирина Ким жазды. «Димаш қазірдің өзінде Сочиде және бәріне қарап тұр. Біз мұны жасадық, барлық фанклубтар мен фанаттарға рахмет!!! Қол ұшын созған жандардың барлығына зор алғыс, біздің күш біріктіруіміздің арқасында 31 тамыздан 15 қыркүйекке дейін Сочи қаласында 1 экран, 6 билборд және 3 пиллар афиша ілдік», - деп жазды Ирина Ким.  

kazinform.kz