Жаңалықтар
ІІІ Дүниежүзілік көшпенділер ойындарына Жамбылдан 15 спортшы қатысады
- author «Ақ жол»
- 29 тамыз, 2018
- 260
ІІІ Дүниежүзілік көшпенділер ойындарына Жамбылдан 15 спортшы қатысады
ТАРАЗ. ҚазАқпарат - Жамбылдық спортшылар Дүниежүзілік көшпенділер ойындарына спорттың үш түрі бойынша қатысуды жоспарлап отыр, деп хабарлайды ҚазАқпарат тілшісі.
«ІІІ Дүниежүзілік көшпенділер ойындарына баратын спортшыларды 31 тамызда шығарып саламыз. Салтанатты шара «Тараз-Арена» спорт сарайында болады», - деп мәлімдеді Жамбыл облысы әкімдігінің спорт және денешынықтыру басқармасының өкілдері.
ІІІ Дүниежүзілік көшпенділер ойындары 2-8 қыркүйек аралығында Қырғызстанның Шолпан ата қаласында өтеді. 37 ұлттық спорт түрінен өтетін дүбірлі додада әлемнің 80 елінен жиналған үш мыңға жуық спортшы қатысады. Қазақстаннан екі жүзге жуық спортшы барады.
Жамбылдық спортшылар Ойындардың жеті жарысында сынға түседі.
Көкпардан - Болатбек Әлімбетов, Есжан Құрманбай, Құрманбек Тұрғанбек және Мейіржан Матжан; құс салудан - Жалғас Әкімбеков пен Бақдәулет Бабажан; асық атудан - Еркебұлан Әбдіров; құнан бәйгеден - Нұрахмед Жангудеев; жамбы атудан - Жарқынай Рахымбаева және Абзал Тұрлыбеков; армрестлингтен Виталий Трубин, Оксана Письменная, Вали Фараджов, Антонина Лисянская, мас-рестлингтен - Алтын Ақылбек қатысады.
Еске салайық, Қазақстан Дүниежүзілік көшпенділер ойындарына алғаш рет өткізілген 2014 жылдан бері қатысып келеді. Сол жолы қазақстандықтар 11 алтын, жалпы 28 медаль алып, 18 елдің арасында екінші орынды иеленген болатын. 2016 жылы ұйымдастырылған ІІ Дүниежүзілік көшпенділер ойындарына 63 елден мыңнан астам спортшы қатысты, олардың ішінде дәстүрлі түрде көшпенді халық саналмайтын елдер де болды. Қазақстан спорттың 22 түрінен 13 алтын, жалпы 39 медаль алып, жалпы есепте үшінші орынды қанағат еткен.
Аталмыш ойындардың жабылу салтанатында Дүниежүзілік көшпенділер ойындарын өткізу құқығы өзге елге беріледі. Алайда ұйымдастырушылар әзірге келесі ойындар қай мемлекетте өтетінін жария етпей отыр. Бұған дейін аталмыш шара тек Қырғызстанның аумағында ғана өткізілген. Келесі ойындарды ұйымдастыруға үміткер елдердің қатарында Қазақстан, Әзербайжан және Түркия көш бастап тұр.
kazinform.kz Ұқсас жаңалықтар
Жамбылдық орманшы отқа оранған көліктен 4 адамды аман алып шықты
- 23 қыркүйек, 2024
Ақпарат
АЭС салсақ - электр энергиясын экспорттаймыз
- 22 қыркүйек, 2024
Қазір қолдағы телефонға да қуат керек заман - Қадырбеков
- 22 қыркүйек, 2024
Алматылық қос азаматтың жазасы жеңілдетілді
- 30 тамыз, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді