Индонезияда өтіп жатқан Азия ойындарындағы эстафеталық кешенді жүзуден Қазақстан құрамасы тарихта алғаш рет қола медаль жеңіп алған еді. Желіде қазақстандық құраманың жеңісті тойлау сәтінде түсірілген әсерлі видео пайда болды деп хабарлайды Vesti.kz сайтына сілтеме жасаған NUR.KZ.

Жүзуден топ болып өнер көрсеткен команда сапында Олимпиада чемпионы Дмитрий Баландин, Әділ Қасқабай, Әділбек Мусин және Александр Варакин болды.

Қазақстан құрамасының нәтижесі - үш минут, 35 секунд.

Ал алтын медальды Қытай спортшылары (3.29.99) алса, күміске Жапония құрамасы (3.30.03) иелік етті.