2019 жылға дейін Қазақстанда 15 жол салынады
Қазақстандық құрылысшылар Мемлекет басшысының ең басты тапсырмасы – республиканың астанасын шалғайдағы облыс орталықтарымен байланыстыратын көлік инфрақұрылымын құрып жатыр, – деп хабарлайды “ZhambylNews” AA ҚазАқпаратқа сілтеме жасап.
«Нұрлы жол» мемлекеттік инфрақұрылымды дамыту бағдарламасына сәйкес, 2019 жылға дейін жалпы ұзындығы 4,6 мың шақырымнан асатын 15 жобаны жүзеге асыру қарастырылған.
Бұл жобалардың қатарында Орталық-Оңтүстік – «Астана – Қарағанды – Балқаш – Алматы», Орталық -Шығыс «Астана – Павлодар – Қалбатау – Өскемен», Орталық-Батыс «Астана – Арқалық – Шалқар – Қандыағаш» және Орталық-Солтүстік «Астана – Петропавл – Ресей Федерациясының шекарасы» дәліздері бар. Сонымен бірге, Алматы-Өскемен, Үшарал-Достық, Бейнеу-Ақжігіт, Қалбатау-Майқапшағай, Орал-Каменка-РФ шекарасы секілді халықаралық дәліздер мен шекаралық бағыттар да басым жобалар болып белгіленген», – деді «ҚазАвтоЖол» ҰК» АҚ басқарма төрағасының орынбасары Темірхан Меңдіғалиев.
Оның айтуынша, қазіргі уақытта барлық жобалар бойынша мердігерлік келісімшартқа қол қойылып, дайындық жүргізілген және құрылыс жұмыстары басталып кетті. Реконструкцияланған жол бөліктеріндегі жұмыстар аяқталысымен, жол қозғалысы ашылады. Биыл 525 шақырымдық жолды аяқтау жоспарланып отыр және барлық жобаларды 2022 жылы аяқтау көзделген. zhambylnews.kz
Ұқсас жаңалықтар
Жамбылдық орманшы отқа оранған көліктен 4 адамды аман алып шықты
- 23 қыркүйек, 2024
Ақпарат
АЭС салсақ - электр энергиясын экспорттаймыз
- 22 қыркүйек, 2024
Қазір қолдағы телефонға да қуат керек заман - Қадырбеков
- 22 қыркүйек, 2024
Алматылық қос азаматтың жазасы жеңілдетілді
- 30 тамыз, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді