Джакартада өтіп жатқан Азия ойындарында қазақстандық Әділбек Мусин 50 метрге баттерфляй әдісімен жүзуде қола медаль иеленді. Ол бұл қашықты 23,73 секундта жүзіп өтті. Алтынды Сингапур спортшысы Рио олимпиадасының чемпионы Джозеф Скулинг (23,61), күмісті Қытай спортшысы Ванг Пенг (23,65) алды. 23 тамызда Қазақстан велоспортшысы Алексей Луценко Азия ойындарының чемпионы атанды. Таэквондодан Ерасыл Қайырбек 68 келіде қола медальиеленсе, академиялық ескек есуде әйелдер арасындағы жекелей жарыста Александра Опачанова үшінші орын алды. Қазір Қазақстан 2 алтын, 6 күміс, 18 қоламен жалпы есепте 12-орында тұр. Азия ойындарына 440 қазақстандық спортшы қатысып жатыр. Жарыстан хабар тарату үшін Азаттық тілшісі Джакартаға аттанған. Азиаданың барлық жаңалығын Азаттық сайтының арнайы парақшасынан оқи аласыздар. Азия ойындары қыркүйектің 2-cі күні аяқталады. azattyq.org