Ұлыбритания сыртқы істер министірі сейсенбі күні Американың бейбітшілік институтында осындай мәлімдеме жасады. Жоғары лауазымға тағайындалғалы бері Джереми Ханттың АҚШ-қа іссапармен алғаш рет келіп отыр. Ол өз баяндамасында Ұлыбритания бірқатар халықаралық мәселеге қатысты АҚШ-ты қолдайтындығын жеткізді. Алайда Иран келісіміне қатысты екі елдің ұстанымы екі бөлек. Дей тұрғанмен бұл жайт екі мемлекеттің де өңірдегі ортақ мүддені қорғауына кедергі болмауы тиіс.
Естеріңізге салсақ, мамырдың 8-інде Дональд Трамп Америка Иран келісімінен шығатыны жайлы мәлімдеген еді. Сондай-ақ АҚШ Иранға біржақты санкциялар енгізетіні жайлы атап өтті. Еуропа елдері болса, Иран келісімі сақталуы тиіс дейді. Бірқатар еуропалық компания, оның ішінде ағылшын компаниялары да Иранмен іскерлік қатынасын сақтап келеді.
