Бразилия футбол конфедерациясы (CBF) ұлттық команданың бас бапкерлігіне 2010 жылғы Әлем чемпионатында ел құрамасын басқарған Дунганы қайта тағайындады.

Жаңа бапкерді бұқараға ресми таныстыру рәсімі бүгін - 22 шілдеде өтеді. Дунганың кандидатурасын CBF-тің қазіргі басшысы Жозе Мария Марин және конфедерацияның болашақ президенті Марко Поло дел Неро қолдады. Дунга Бразилия құрамасының бас бапкерлігін 2006 жылдан бастап 2010 жылға дейін атқарған. Оның басшылығы кезінде ұлттық құрама 2007 жылғы Америка кубогын және 2009 жылы Конфедерация кубогын жеңіп алған.