Жаңалықтар
"7-20-25" бағдарламасы бойынша сұранысы ең жоғары пәтерлер қандай?
- author «Ақ жол»
- 13 тамыз, 2018
- 408
"7-20-25" бағдарламасы бойынша сұранысы ең жоғары пәтерлер қандай?
"7-20-25" бағдарламасы бойынша ең жоғары сұраныста аумағы 62 шаршы метр екі бөлмелі пәтерлер екені анықталды, - деп хабарлайды Тengrinews.kz тілшісі "Баспана" Ипотекалық ұйымына сілтеме жасап.
Сонымен бірге, "7-20-25" бағдарламасы арқылы сатып алынатын баспананың орташа құны да есептелді. Қазіргі таңда ол көрсеткіш 14 миллион 68 мың теңгені құрайды.
Қарыз алушының ортақ сипаты да белгілі болды. Ол - Қазақстан Республикасының азаматы, жас шамасы 24 пен 40 жас аралығында, отбасының ай сайынғы табысы 200 мың теңге көлемінде.
"Қазіргі таңда бағдарламаға қатысқан көптеген азаматтардың өтініштері мақұлданғанын байқап отырмыз. Ол "7-20-25" бағдарламасының көкейкестілігін, дер кезінде қолға алынғандығын және әлеуметтік бағытын айқын дәлелдейді", - деді "Баспана" Ипотекалық ұйымының Басқарма төрағасы Қайрат Алтынбеков.
Қайрат Алтынбековтың сөзінше, жылдық үстемесі 7 пайыз болатын "7-20-25" ипотекасының ай сайынғы төлемі пәтерді жалға алып тұрғаннан арзан шығады.
"Пәтер жалдағаннан көрі, өз баспанаңда тұрғанға не жетсін", - деп қайырды, Қайрат Алтынбеков.
13 тамыз күнгі жағдай бойынша, Қазақстан халқынан бағдарламаға қатысуға 15,4 млрд. теңге сомасына 1323 өтініш келіп түскен. Оның жалпы сомасы 9,7 миллиард теңгені құрайтын 843 өтініші банктер тарапынан мақұлданды. Қазіргі таңда, "7-20-25" бағдарламасының ипотекалық несиесін Центркредит банкі, АТФБанк, Bank RBK мен ЦеснаБанк арқылы алуға болады.
Ұқсас жаңалықтар
Жамбылдық орманшы отқа оранған көліктен 4 адамды аман алып шықты
- 23 қыркүйек, 2024
Ақпарат
АЭС салсақ - электр энергиясын экспорттаймыз
- 22 қыркүйек, 2024
Қазір қолдағы телефонға да қуат керек заман - Қадырбеков
- 22 қыркүйек, 2024
Алматылық қос азаматтың жазасы жеңілдетілді
- 30 тамыз, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді