Бразилия құрамасының бас бапкері Луис Фелипе Сколари өз қызметінен кетті.

Футболдан ӘЧ-да 3-орынды сарапқа салған Голландия-Бразилия кездесуінде болған соңғы жеңілістен кейін (0:3) 65 жастағы маман Бразилияның футбол конфедерациясына қызметтен кету туралы өтінішімен барған. Еске сала кетейік, Сколари Бразилия құрамасының бас жаттықтырушысы қызметіне бір жарым жыл бұрын тағайындалған. Оның жетекшілігімен құрама 2013 жылы конфедерация кубогына ие болған. Атап өтейік, Сколари басшылығымен Бразилия құрамасы 2002 жылы әлем чемпионатында жеңіске жеткен.