Жалпы, дүниежүзінде бүгінгі күнге дейін ЮНЕСКО-ның хатшылығы, халықаралық және өңірлік әріптестер және Қазақстанның бастамасымен БҰҰ Бас Ассамблеясында жарияланған «Мәдениеттер жақындастығының халықаралық онжылдығы» аясында ұйымдастырылған іс-шаралар Орталық коммуникациялар қызметінде өткен брифингте кеңінен таратыла айтылды. Мұны Астанада өтетін ЮНЕСКО істері жөніндегі Ұлттық комиссияларының Бірінші өңіраралық кеңесі қарсаңында арнайы ұйымдастырылған ашық пікір алаңы деуге де болады. Онда Мәдениет министрі Арыстанбек Мұхамедиұлы, Қазақстандағы ЮНЕСКО және ИСЕСКО істері жөніндегі Ұлттық Комиссиясының бас хатшысы Әсел Өтегенова аталмыш комиссияның атқарған жұмыстары туралы баяндады.

Ардақ Үсейінова, «Ақ жол».