Әлемдегі ең үлкен кеме Pieter Schelte Роттердамда (Нидерланды) салынады. Кеме иесі және құрастырушысы Allseas және Роттердам портының әкімшілігі тиісті келісімшартқа қол қойды.

Порт әкімшілігінен хабар­лағандай, Pieter Schelte осы жылдың соңында Роттердамға әкелінуі тиіс. Соңғы құрастыру жұмыстары Маасвлакт ішкі су қоймасындағы Алексиахафенде жүзеге аспақ. Pieter Schelte ұзындығы 382 метрді, ені – 124 метрді құрайды. Кеменің жоғарғы бөлігі 48 мың тонна, ал тіректері 25 мың тоннаға дейінгі жүкті көтере алады.