2015 жылы қазақстандықтар SIM-карта арқылы электронды цифрлық қолтаңбаны пайдалана алатын болады. «Мобильді қолтаңба» ұялы телефонның кез-келген моделінен электронды қызметтер мен сервистерді алуға мүмкіндік береді. Аталған қызметтерді алу үшін мобильді қосымшаны пайдаланушылар файлдық ЭЦҚ қолданады. Аталған жаңалықтар «Мобильді үкіметтің ақпараттық жүйесі. М-GOV құру» жобасы аясында әзірлену үстінде. Қазіргі уақытта iOs пен Android операциялық жүйесін пайдаланушылар egov.kz мобильді қосымшасы арқылы 13 электронды мемлекеттік қызметті ала алады. Олардың қатарында тұрғын үй кезегін қарау, коммуналдық қызметтерге төлем жасау, жеке тұлғалардың көлік салығын төлеу сынды қызметтер бар.