Білім
Халықаралық математикалық олимпиада-2014 білім сайысында қазақстандық оқушылар 6 медаль иемденді
- author «Ақ жол»
- 13 шілде, 2014
- 297
Халықаралық математикалық олимпиада-2014 білім сайысында қазақстандық оқушылар 6 медаль иемденді
3-14 шілде аралығында Кейптаунда (Оңтүстік Африка) ұйымдастырылған Халықаралық математикалық олимпиада-2014 білім додасында Қазақстаннан барған оқушылар 6 медальді қанжығаларына байлады.
Білім сайысына 101 елден 612 оқушы қатысты. «Алтын» жүлдеге О. Жәутіков атындағы Республикалық мамандандырылған дарынды балаларға арналған физика-математика орта мектеп-интернатының 10 сынып оқушысы Ахан Ысмайылов қол жеткізсе, Шымкенттегі қазақ-түрік лицейінің 11 сынып оқушысы Серғазы Қалмырзаев күміс медальді иемденді.
Сонымен қатар О. Жәутіков атындағы Республикалық мамандандырылған дарынды балаларға арналған физика-математика орта мектеп-интернатының 11 сыныптағы екі оқушысы, яғни Әлішер Тортай мен Ержан Иманмәлік, сондай-ақ Тараздағы қазақ-түрік лицейінің 11 сынып оқушысы Данияр Камал және Астанадағы қазақ-түрік лицейінің 11 сынып оқушысы Қуандық Алтынханов қола жүлдені еншіледі.
Айта кетейік, Қазақстан аталған олимпиадаға 1998 жылдан бері қатысып келе жатыр.
Ұқсас жаңалықтар
Мектептердегі интернет жылдамдығы жақсаруда
- 17 қыркүйек, 2024
Ертеңін ойлаған ел білім мен тәрбиеге ден қояды
- 12 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді