Elbasynyń «Bolashaqqa baǵdar: rýhanı jańǵyrý» atty baǵdarlamalyq maqalasyn júzege asyrý maqsatynda Qazaqstannyń kıelі jerlerіn aralaý jónіndegі ólketaný aktsıasy qolǵa alynǵany belgіlі. Osy aktsıa aıasynda Soltústіk Qazaqstan oblysynan 3 jetekshіsіmen 25 oqýshy keshe Taraz qalasyna kelіp jettі. Olardy jaýapty azamattar temіr jol vokzalynan kútіp aldy. Jasóspіrіmderdі týǵan eldіń mádenıetі, tarıhy, kıelі oryndarynyń alýan túrlі erekshelіgіmen tanystyrý, otanshyldyq sezіmіn oıatý – basty maqsat. Ekskýrsıa barysynda bіlіm alýshylar «Kóne Taraz» tarıhı-mádenı ortalyǵyn, Qarahan baba, Aısha bıbі, «Tekturmas» kesenelerіn, Qazaq handyǵynyń 550 jyldyǵyna arnalǵan monýmenttі, «Taraz-Arena» sport keshenіn jáne ózge kóptegen nysandardy aralaıdy. Bul shara az qamtylǵan otbasylardan shyqqan, ata-anasynyń qamqorlyǵynsyz qalǵan balalardyń, mektep olımpıadalary men túrlі jarystar jeńіmpazdarynyń jazǵy demalysyn tıіmdі paıdalanýdy kózdeıdі.

«Aq jol-Aqparat».