Қазақ анимациясы Португалиядағы фестивальде бақ сынайды
- author «Ақ жол»
- 19 шілде, 2018
- 311
Еліміздің Мәдениет және спорт министрлігінің тапсырысы негізінде Шәкен Айманов атындағы «Қазақфильм» АҚ-ның туындысы «Күлтегін» атты толықметражды анимациялық фильм Португалияда өтетін халықаралық фестивальдің негізгі бағдарламасында бақ сынайтын болды. 14-15 қыркүйек күндері Португалияның Порту шаһарында бастау алатын өнер аламаны екінші мәрте ұйымдастырылғалы отыр. Фестиваль португалиялық және жаһандық фильмдерді кеңінен насихаттайды. Ұйымдастырушылар үшін басты мақсат – әлемге әйгілі киногерлермен қатар жаңа есімдерді таныту. – Ұлттық фильмнің тұсаукесері әлемдік деңгейдегі кинофестивальде орын алатынына бек қуаныштымыз. «Күлтегін» фильмі – бабаларымыздың жанқиярлық ерлігін, ауызбіршілігін, олардың тұрмыс-тіршілігі мен салт-дәстүрлерін дәріптейді. Күлтегін – тұтас дәуірдің тарихи тұлғасы. Сол себепті батыстық көрермендер қызыға тамашалайды деп сенемін. Қазылар алқасының да көңілінен шығып, жүлдегерлер қатарынан көрінеді деп ойлаймын, – дейді фильмнің режиссері Адай Әбілда. Осынау туынды шілде айының басында Астана қаласында өткен ХІV халықаралық «Еуразия» кинофестивалінің «Еуразия жүрегінде» атты байқаудан тыс бағдарламасында көрсетіліп, көрермендер тарапынан жоғары баға алған.
«Аq jol-Aqparat».
Ұқсас жаңалықтар
Жамбылдық орманшы отқа оранған көліктен 4 адамды аман алып шықты
- 23 қыркүйек, 2024
Ақпарат
АЭС салсақ - электр энергиясын экспорттаймыз
- 22 қыркүйек, 2024
Қазір қолдағы телефонға да қуат керек заман - Қадырбеков
- 22 қыркүйек, 2024
Алматылық қос азаматтың жазасы жеңілдетілді
- 30 тамыз, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді