2014 жылғы 1-шілдедегі жағдай бойынша Қазақстан халқының саны 17 млн. 264,6 мың адамнан асып, жыл басынан бері 0,6 пайызға артты. Бұл туралы Статистика агенттігінен хабарлады. Агенттік мәліметтеріне қарағанда, Оңтүстік Қазақстан облысының халқы жыл басынан бері 23,6 мың адамға артып, 2,757 млн. адамға жеткен. Халық саны Алматы облысында - 13,2 мыңға өсіп, 1,998 млн. адамға жеткен. Сонымен қатар, Маңғыстау облысында - 7,7 мыңға артып, 595,1 мың адамды, Жамбыл облысында 6,5 мыңға артып, 1,091 млн. адамды, Ақтөбе облысында 5,7 мыңға артып, 814,6 мың адамды, Қызылорда облысында - 5,8 мыңға артып, 745,6 мың адамды, Атырау облысында - 5,5 мың адамға артып, 573,4 мың адамды, Қарағанды облысында 2,6 мыңға артып, 1,372 мың адамды құраған. Сонымен бір мезгілде, Солтүстік Қазастан облысы халқының саны соңғы 5 айда 1,2 мың адамға төмендеп, 574,6 мыңды құраған. Ал Астана халқының саны жыл басынан бері 17,6 мыңға өсті және  831,9 мың адамды құрады. Алматы қаласының тұрғындары 12,5 мыңға артып, 1 млн. 520 мың адамға жеткен.

Ақпарат көзі: www.kazinform.kz