Астана тұрғыны әуесқой ботаник Евгений Кудряк пальманың аязға төзімді ерекше түрін шығарып, оны елордада өсірмек. Бірнеше жылдан бері ол өзінің үйінің ауласында пальма өсіріп келеді екен. Евгений Кудряк 15 жылдан кейін селекция нәтижесінде 40 градусқа дейінгі аязға төзімді пальмаларды шығаратынына сенімді.

Атап өтейік, юкка – солтүстікамерикандық пальма. Ол аса биік болмаса да жайылып өседі. Биіктігі шамамен екі метрге жуық. «Шамамен 30 жылдан кейін менің пальмаларым Астанада жайқалып тұрады», – деген үмітін білдірді Евгений.