Босния және Герцеговина астанасында сенбі күні Екінші дүниежүзілік соғыс кезіндегі әуе бомбасы табылды.

Елдің Федеральдық азаматтық қорғаныс басқармасының мәлімдеуінше, салмағы жарты тонна тартатын бомбаны өзінің жер теліміне сарай салып жатқан жергілікті тұрғын тауып алыпты. Сарапшылар жойқын күші бар қарудың мұндай түрі Англияда шығарылған деп отыр. Жақын маңдағы үйлердің тұрғындары көшірілгеннен кейін арнайы мамандар бомбаны қазып алып, жоюға әкетеді.