Атырау және Қостанай қалаларында өткен екі бағыттағы жалпы білім беретін пәндер бойынша республикалық олимпиада да жамбылдық оқушылар топ жарып, жүлдемен оралды.
«Дарын» республикалық ғылыми-практикалық орталығының ұйымдастыруымен Қостанай қаласында өткен білім додасының ерекшелігі сол, теориялық және тәжірибелік кезеңде оқушылардың шығармашылық қабілетін жетілдіріп, теориялық білімін тереңдетіп, тәжірибелік іскерліктерін шыңдауға мүмкіндік берілді. Қазақ тілі мен әдебиеті, орыс тілі мен әдебиеті, Қазақстан тарихы, құқық негіздері, ағылшын тілі, неміс тілі, француз тілі пәндерінен зияткерлік сайыста жамбылдық оқушылар 3 алтын, 6 күміс және 14 қола медальды жеңіп алды. Ал облысымыздағы дарынды ер балаларға арналған «Білім-Инновация» мектеп-интернаты «Ең үздік олимпиадалық мектеп – 2018» номинациясын қатарынан 10-рет иеленіп, озық білім ошағы екенін тағы дәлелдеді. Атырау қаласында өткен білім бәсекесінде де жамбылдық жас дарындар 5 алтын, 7 күміс, 15 қоланы қанжығалап, үздік командалар қатарынан көрінген болатын. Сөйтіп біздің оқушылар жеті мәрте республикада көш бастады.
Толқын НАРТАЕВА, облыс әкімдігі білім басқармасының бас маманы
Ұқсас жаңалықтар
Ертеңін ойлаған ел білім мен тәрбиеге ден қояды
- 12 қыркүйек, 2024
Жайлы мектептердің құрылыс барысын тексерді
- 10 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді