Facebook желісінің негізін салушы 2014 жылы миллиондаған адам мәліметінің теріс мақсатта пайдаланылғанының тікелей тестілермен байланысты екенін айтып өтті. 

Марк Цукерберг Ұлыбританияның бірнеше ұлттық газеті арқылы жұртшылықтан кешірім сұрады. Politico басылымының хабарлауынша, кешірім сұрау мәтіні The Observer, The Sunday Times, Mail on Sunday, Sunday Mirror, Sunday Express және Sunday Telegraph сынды газеттерді жарияланды.

Facebook негізін салушысы қолданушылар мәліметінің теріс мақсатта пайдаланылуына тестілер себепші екенін айтып өтті.

«Біз сіздің ақпаратыңыздың қорғалуына жауап береміз. Егер қауіпсіздікті қамтамасыз ете алмасақ, өзімізді бұл жұмысқа лайық емеспіз деп есептейміз. Бұл бізге деген сенімдеріңіздің жоғалуына алып келеді. Сол кезде қолымыздан келгеннің барлығын жасамағанымыз үшін өкінемін. Қазір бұл жағдай қайталанбас үшін тиісті шараларды қолға алып жатырмыз», - делінген хабарламада.

Осы мәтін америкалық The New York Times, Washington Post және Wall Street Journal газеттерінде де жарияланды.   Дереккөз: baq.kz