Нью-Йоркте бортында бірнеше адам отырған тікұшақ құлады, - деп хабарлайды РИА Новости Fox News телеарнасына сілтеме жасап. Басылымның мәліметінше, тікұшақ жексенбі күні кешкі уақытта Ист-Ривер бұғазына құлаған. Біріккен баспасөз конференциясы барысында полиция мен Нью-Йорктің өрт сөндіру қызметі үш адамның ауруханаға жеткізілгенін және олардың ауыр жағдайда жатқанын хабарлады. Ұшқыштың тікұшақтан өз бетінше шыға алмағаны және оның да қазіргі уақытта ауруханада екені айтылады. Сондай-ақ, төтенше жағдайдан екі адам қаза тапқан. "Бұл фототүсірілім өткізу үшін ұйымдастырылған жеке рейс болған еді", - деді полиция комиссары Джеймс  О'Нил  Кейінірек NBC New York телеарнасы, ауруханаға ауыр жағдайда жеткізілген жолаушылардың көз жұмғанын хабарлады. Осылайша, төтенше жағдайдан қаза тапқандарың саны 5-ке жетті. Дереккөз: tengrinews.kz