Жаңалықтар
Антиретровирустық терапияны қабылдаған адамға ЖИТС жұқпайды
- author «Ақ жол»
- 27 ақпан, 2018
- 305
Антиретровирустық терапияны қабылдаған адамға ЖИТС жұқпайды
Қазіргі таңда АИТВ жұқпасын созылмалы инфекциялық ауру деп қарауға болады. Адам ағзасындағы вирустың көбеюін бәсеңдететін антиретровирустық препараттарды тұрақты түрде қабылдаған науқастар биологиялық қарттық жасына дейін өмір сүре алады. Олардың білім алып, қызмет атқарып, тіптен, ана атанып, сау балаларды дүниеге әкелуге мүмкіндігі бар.«БҰҰ-ның бірлескен бағдарламасы АИТВ инфекциясы бойынша 2020 жылға дейін жаңа стратегияны анықтады. Біздің жұмысымыз скрининг, диагностика және ВИЧ инфекциясын емдеуге бағытталуы қажет. Бүгінде аталған стратегияны дамытуға әлем елдері жұмылдырылған... Ең алдымен, АИТВ инфекциясын аурудың алғашқы сатыларында белсенді түрде анықтауы, әрбір азамат өзінің АИТВ статусын білуі де өте маңызды. Ол үшін АИТВ инфекциясына уақтылы тесттен өтіп тұру керек... Бүгін біз АИТВ инфекциясын жұқтыру қаупін азайтуда антиретровирустық терапияның жоғары тиімділігі туралы айта аламыз. Жыл сайын антиретровирустық терапияны қабылдаушылардың саны артып келеді. Вирусы белгілі дәрежеде бәсеңдетілген антиретровирустық терапияны қабылдаушылар айналасына қауіп төндірмейді және оң статуста болса да ауруын жұқтырмайды... Бүгінгі таңда АИТВ індеті бар адам антиретровирустық терапияны дұрыс қабылдаған жағдайда сау жұбына инфекцияның жыныстық жолмен берілуі болмайтыны ғылыммен дәлелденді. АИТВ инфекциясымен өмір сүретін жандар басқа адамдармен тең құқыққа ие. Оларды жұмыстан шығаруға немесе жұмысқа қабылдамай қоюға және басқа да құқықтарын бұзуға жол берілмейді», - дейді Қоғамдық денсаулық сақтау департаменті басшысының орынбасары Сархат Бейсенова.
Айта кетсек, аталмыш шараға Астана қалалық Қоғамдық денсаулық сақтау департаменті, Кәсіпкерлер палатасы, сондай-ақ, ЮНЭЙДС-тің Қазақстандағы арнайы уәкілі ретінде Бақтияр Артаев қатысты.«АИТВ/ЖИТС індетінің 15-49 жас аралығында таралу елдерінің ішінде ең төмен көрсеткіш бізде – 0,2%... «АИТВ/ЖИТС-тың бизнеске әсері» индикаторы жыл сайын ақпан-наурыз айларында өткізіліп, бизнес-субъектілерінің басшыларымен тәуелсіз сауалнама жүргізу негізінде бағаланады. Еліміздің осы көрсеткіштегі рейтингі АИТВ-инфекциясы бойынша бизнес көшбасшыларының ақпараттық деңгейіне тікелей байланысты... АИТВ, ЖИТС індеті бизнестің өркендеуіне, дамуына ешқандай әсері жоқ... ЖИТС індеті – бұл әлеуметтік маңызы бар ауру. Бұны емдеу, алдын ала диагноз қою, барлығы үкіметтің мойнында, яғни, барлық ем тегін», - деп мәлімдеді ЖИТС-ке қарсы күрес орталығының бас дәрігері Сәбит Әбдірайымов.
Жансая ҚАМБАР baq.kz
Ұқсас жаңалықтар
Жамбылдық орманшы отқа оранған көліктен 4 адамды аман алып шықты
- 23 қыркүйек, 2024
Ақпарат
АЭС салсақ - электр энергиясын экспорттаймыз
- 22 қыркүйек, 2024
Қазір қолдағы телефонға да қуат керек заман - Қадырбеков
- 22 қыркүйек, 2024
Алматылық қос азаматтың жазасы жеңілдетілді
- 30 тамыз, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді