- Advertisement -

Франция-Швейцария матчында мундиальдiң ең iрi есебi тiркелдi

98

- Advertisement -

Бүгiн Бразилияда футболдан әлем чемпионатының топтық кезеңiнде кездескен Франция мен Швейцария биылғы мундиальда ең нәтижелi матчтың авторлары атанды.

Ойындағы есеп 5:2 есебiмен Францияның пайдасына шешiлдi. Алғашқы таймда француздар өз қарсыластарына 3 жауапсыз гол салды. Ең бiрiншi Жиру ойынның 17-минутында есеп ашса, бiр минуттан кейiн Матьюиди басымдықты күшейте түстi. Кездесудiң 32-минутында Бензема пенальтиден гол сала алмады. Дегенмен 40-минутта Вальбуэна француздар салған үшiншi голының авторы атанды.

Екiншi таймда франциялық футболшы Бензема 67-минутта төртiншi допты қақпаға тоғытты. Ал 74-минутта Сиссоко Бенземаның пасынан кейiн бесiншi допты швейцариялықтардың қақпасына салып кеттi.

Алайда Швейцария аяқдопшылары матч соңында намысқа тырысып екi голды қатарынан салды. Бiрiншi 80-минутта Джемаили көзге түссе, алты минуттан соң Джака француздарға екiншi допты қақпаға енгiздi.

Ақпарат көзі: www.kazinform.kz

Comments are closed.

Page Reader Press Enter to Read Page Content Out Loud Press Enter to Pause or Restart Reading Page Content Out Loud Press Enter to Stop Reading Page Content Out Loud Screen Reader Support